ကမ္ဘာပျက်ပုံစံအသစ်မှ ခေါင်းဆောင်မှု စိန်ခေါ်သံ

Updated: Dec 19, 2019


…………………………………………

“ကမ္ဘာသမိုင်းမှာ ဒီနေ့လောက် ခေါင်းဆောင်ရှားပါးတဲ့ကာလမျိုး ရှိခဲ့ဖူးမယ်လို့ ကျွန်တော်မထင်ဘူး” မျက်မှောက်ခေတ် ပြင်သစ်သမိုင်းပညာရှင်များအနက်် ထိပ်တန်းကပါ၀င်သူ ‘ယန်းလာကိုတူး’၏ စကားဖြစ်ပါသည်။ သူသည် ကမ္ဘာ့ခေါင်းဆောင်စာရင်းဝင်ဖြစ်သော ပြင်သစ်သမ္မတ ချားလ်စ်ဒီဂေါ၏ အတ္ထုပ္ပတ္တိကို ရေးသားသူ လည်းဖြစ်သည်။

“ခေါင်းဆောင်တွေ တကယ်ရှိရက်သားနဲ့ ကျွန်တော်ကိုယ်တိုင် နမော်နမဲ့ဖြစ်ပြီး မတွေ့မိတာလားလို့ ပြန်ဆန်းစစ်ပါတယ်။ ဒီလိုလည်း မဟုတ်ပါဘူး။ ဘာကြောင့်လည်းဆိုတော့ ဒီကနေ့ ကျွန်တော်တို့ ရင်ဆိုင်တိုးနေရတဲ့ အခြေအနေဆိုးတွေကို ဘယ်သူကမှ ဦးဆောင်ဖြေရှင်းပေးတာ မတွေ့ရလို့ပါပဲ။

ကမ္ဘာ့ခေါင်းဆောင်ဆိုသူတွေလည်း ဘယ်သူမှ ရှေ ့ထွက်ပြီး ဦးမဆောင်ပါဘူး”ယန်းလာကိုတူးနှင့် အမြင်တူသူ မနည်းပါလှပေ။ ယင်းတို့အနက် ဂျာမနီနိုင်ငံ ကိုလုန်းတက္ကသိုလ်က လူမှုဗေဒ ပါမောက္ခ အက်ဒွင်ရူးက ဤသို့ပြောသည်။

“ကမ္ဘာ့နိုင်ငံရေးလောကမှာ ရွက်ကြမ်းရေကြိုတွေပဲ ဦးဆောင်နေပုံပေါက်ပါတယ်။ စီးပွားရေးလုပ်ငန်းနယ်ပယ်မှာရှိတဲ့ ပီတာနိယာမ (Peter Principle) ဟာ ကမ္ဘာ့နိုင်ငံရေးနယ်ပယ်မှာပါ မှန်ကန်နေပုံပဲ။ ပီတာနိယာမက ဘာပြောသလဲဆိုတော့ လူရည်ထက်တွေကို ရွေးချယ်စရာမရှိရင် ရွက်ကြမ်းရေကြိုတွေပဲ တက်လာမှာပဲတဲ့” ၁၉၉၃ ခုနှစ် သမ္မတကလင်တန် အစိုးရဖွဲ့ပြီး လပိုင်းအကြာတွင် American Enterprise မဂ္ဂဇင်းကြီးက စစ်တမ်းတစ်ခု တင်ပြခဲ့သည်။ ထိုအချိန်မှာ ကမ္ဘာ့ထိပ်သီး စက်မှုနိုင်ငံ ခုနစ်နိုင်ငံ (G7) တို့က တိုကျိုတွင် အစည်းအဝေးလုပ်ရန် စိုင်းပြင်းနေချိန်ဖြစ်၏။ မိမိတို့ နိုင်ငံရေးခေါင်းဆောင်၏ ပဲ့ကိုင်ခေါ်ဆောင်ရာနောက်သို့ လိုက်ပါနေရသည့် မိမိတို့နိုင်ငံ၏ လားရာနှင့်ပတ်သက်ပြီး သက်ဆိုင်ရာ ပြည်သူပြည်သားတို့ထံ ဆ